Պէյրութի միջազգային օդակայանի տնօրէն Ֆատի Հասան յայտնեց, որ օդանաւային շարք մը ընկերութիւններ վերսկսած են թռիչքները դէպի Պէյրութ՝ երկամսեայ պատերազմին ընթացքին յայտարարուած առկախումներէն ետք: Ան սակայն նշեց, որ ընկերութիւններուն մեծամասնութիւնը այդ շրջանին օդանաւերը գործածած է այլ ուղղութիւններով թռիչքներ իրականացնելու համար, ուստի որոշ դժուարութիւն կայ արագօրէն փոխելու ուղեւորութիւններու ժամանակացոյցը: Նշենք, որ յորդանանեան ընկերութիւնը կը մտադրէ յառաջիկայ օրերուն վերադառնալ Լիբանան:
