Հ.Մ.Մ. Դամասկոսի դիմատետրի պաշտօնական կայքէջէն կ’իմանանք, թէ Ուրբաթ 29 Նոյեմբեր 2024-ին, Ս.Դ.Հ.Կ.-ի Սուրիոյ Հարաւային Շրջանի նորընտիր Վարիչ մարմինը նշանակած է Հ.Մ.Մ.-ի վարչութիւն հետեւեալ կազմով.-
Ընկ. Սահակ Համալեան՝ ատենապետ,
Ընկ. Մաշտոց Ղազարեան՝ փոխատենապետ,
Ընկ. Հայկ Շահպէնտէրեան՝ ատենադպիր,
Ընկ. Պերճ Գասարճեան՝ գանձապահ,
Ընկ. Լեւոն Պալապանեան՝ հաշուապահ,
Ընկ. Յարութիւն Գվրըգեան՝ խորհրդատու,
Ընկ. Հրաչ Քարլոզեան՝ խորհրդատու։
Նոյն օրը երեկոյեան, Հ.Մ.Մ.-ի նորակազմ վարչութիւնը ունեցած է իր անդրանիկ ժողովը։
Կայքէջը իր հաղորդագրութիւնը կ’եզրափակէ հետեւեալ մաղթանքով.-
«Յաջողութիւն եւ բեղուն աշխատանք կը ցանկանք Դամասկոսի Հ.Մ.Մի նորանշանակ վարչութեան»։
Սոյն տեղեկագրութեան աւարտին արձանագրուած գրադատութեան սիւնակին վրայ կը կարդանք զանազան շնորհաւորական խօսքեր եւ յաջողութեան մաղթանքներ, որոնցմէ կ’առանձնացնենք Հայրենիքէն յղուած անդրադարձ մը Յակոբ Տեմիրճեանի գրառումով, ուր կ’ըսէ.- «Հ.Մ.Մ. Հայաստանի շրջանի վարչութեան անունից, շնորհաւորում ենք նորակազմ Հ.Մ.Մ. Դամասկոսի շրջանի վարչութեան անդամներին:
Մաղթելով յարատեւ յաջողութիւններ, միշտ բարձր եռանդով եւ առաջ գնալով դէպի 105 ամեակ»:
«Արարատ» եւս կը շնորհաւորէ Հ.Մ.Մ. Դամասկոսի նորանշանակ վարչութեան անդամները, սկաուտական, մարզական եւ միութենական արդիւնաշատ գործունէութիւն մաղթելով անոնց:
