«Ռոյթըրզ» լրատու գործակալութիւնը հաղորդեց, որ Թեհրան կը պատրաստուի հիւլէական թղթածրարին հարցով Ժընեւի մէջ դժուար բանակցութիւններու նստելու գետպետութիւններուն հետ: Ըստ իրանցի բարձրաստիճան պատասխանատուի մը, տակաւին լուրջ վտանգ կայ միջազգային պատժամիջոցներուն վերադառնալուն առնչութեամբ, իսկ եթէ կարելի ըլլայ եւրոպական կողմին հետ յանգիլ հիւլէական համաձայնութեան, ապա Միացեալ Նահանգներու նորընտիր նախագահ Տոնըլտ Թրամփի վարչակազմը գուցէ վերակենդանացնէ 2015-ին կնքուած հիւլէական համաձայնութիւնը: Իսկ եւրոպացի պաշտօնատարներէն Էնրիքէ Մորա յայտնեց, որ դրական քննարկումներ կատարած է Թեհրանի պատուիրակութեան հետ՝ նախապատրաստելու Ժընեւի մէջ գումարուելիք ժողովը, որուն Իրանի կողքին պիտի մասնակցին Ֆրանսան, Գերմանիան եւ Բրիտանիան:
