ՊԱՏՄՈՒԹԵԱՆ ՄԷՋ՝ ԱՅՍՕՐ

28 Նոյեմբեր 2024: Տարուան 333-րդ օրն է (նահանջ տարի)։

2024-ի աւարտին կը մնայ 33 օր։

Դէպքեր – Տօներ

1912 – Ալպանիան իր անկախութիւնը կ’առնէ Օսմանեան կայսրութենէն:

1974 – Շահագործման կը յանձնուի Երեւանի «Ռոսիա» շարժապատկերի սրահը՝ «կինօ Ռոսիա»ն:

1991 – Հարաւային Օսեթիան Վրաստանէն կ’անկախանայ:

1980-էն – Իրանի մէջ՝ Նաւատորմի օր:

Ծնունդներ

1820 – Ֆրետրիք Էնկելս, գերմանացի փիլիսոփայ, մարքսիզմի հիմնադիրներէն մին։ Քարլ Մարքսի ընկերը, համագործակիցը եւ համահեղինակիցը։

Միասնաբար զարգացուցած են այն ուղղութիւնը, որ այժմ յայտնի է մարքսիզմ անունով։ 1848 թուականին Էնկելսը Մարքսի հետ լոյս կ’ընծայէ «Կոմունիստական մանիֆեստը»: Հետագային ան ֆինանսապէս կ’աջակցի Մարքսին հրատարակելու «Das Kapital»-ը։ Մարքսի մահէն ետք Էնկելսը կը խմբագրէ «Das Kapital»-ի երկրորդ եւ երրորդ հատորները։

1967 – Մհեր Արամի Ջուլհաճեան, լիբանանահայ ազատամարտիկ։ Ծնած է Պէյրութ։ Պէյրութի Ամերիկեան համալսարանի բնագիտութեան բաժինէն ստացած է գիտութեան պսակաւորի վկայական: 1992-ին ամուսնացած եւ տեղափոխուած է Հայաստան։ Մասնակցած է Արցախի ազատագրական պայքարին։ Զոհուած է 23 Օգոստոս 1993-ին, Մարտունիի շրջանի Մարզիլի գիւղի մօտ: Իր աճիւնը ամփոփուած է Եռաբլուր յուշահամալիր-պանթէոնին մէջ։

1632 – Ժան Պաթիսթ Լիւլլի, ֆրանսացի երգահան, ջութակահար, խմբավար:

1757 – Ուիլիըմ Պլէյք, անգլիացի նկարիչ եւ բանաստեղծ:

1792 – Վիքթոր Քուզէն, ֆրանսացի տեսլապաշտ փիլիսոփայ, քաղաքական գործիչ:

1907 – Ալպերթօ Մօրավիա, իտալացի գրող, լրագրող:

1923 – Կլորիա Կրահեմ, ամերիկացի դերասանուհի:

1985 – Եվկէնի Ալեքսիեւ, ռուս ճատրակի կրոսմայսթըր:

ՄԱՀԵՐ

2017 – Ֆաթմա Ահմետ Քամալ Շաքէր (աւելի յայտնի է Շատիա բեմական անուամբ‎‎), Եգիպտոսի եւ Մերձաւոր Արեւելքի տարածաշրջանի յայտնի դերասանուհիներէն եւ երգչուհիներէն: Եգիպտական շարժապատկերի խորհրդանիշը: Անոր շնորհած են նաեւ «Արաբական երգեցողութեան կիթառ» եւ «Ոսկէ կիթառ» անուանումները:

1694 – Մացուօ Պասիօ, ճափոնցի բանաստեղծ:

1859 – Ուաշինկթըն Իրուինկ, ամերիկացի վիպապաշտ գրող:

1915 – Սեդրակ Մանտիկեան, հայ մանկավարժ եւ դերասան:

1916 – Հանրի Ճէյմզ, ամերիկացի:

1918 – Գեղամ Տէր Կարապետեան, գրող:

1965 – Յարութիւն (Արիէլ) Աճեմեան, նկարիչ:

1989 – Զաւէն Բաշխինեան, ճարտարապետ:

2010 – Լեսլի Նիլսըն, Գանատա-ամերիկացի դերասան: