Իսրայէլեան լրատուամիջոցներ հաղորդեցին, որ առնչակից իշխանութիւնները որոշած են այսօր վերաբանալ վարժարանները բռնագրաւեալ Կոլանի բնակավայրերուն մէջ: Իսկ իսրայէլեան սահմանամերձ բնակավայրերուն մէջ տակաւին չնկատուեցաւ տեղահանուած քաղաքացիներուն հաւաքական տունդարձ: Բանակը քաղաքացիներուն կոչ ուղղեց առայժմ չվերադառնալու սահմանամերձ շրջաններ՝ մինչեւ զինադադարի համաձայնութեան գործադրութեան ամբողջացումը: Ընդդիմութեան ղեկավարներէն Աւիկտոր Լիպըրմէն ցաւ յայտնեց, որ «կառավարութիւնը սպիտակ դրօշ բարձրացուցած է, մինչ Պէյրութի մէջ կը շարունակեն ծածանիլ Հըզպալլայի դրօշները»:
