Զինադադարի համաձայնութեամբ սկսաւ նաեւ Լիբանան-Սուրիա սահմանային անցակէտերուն վերանորոգումն ու բացումը: Սուրիական սահմանային իշխանութիւնները յայտարարեցին Քուսէյրն ու լիբանանեան Քասր շրջանները կապող Ճոսիէ անցակէտին մասնակի վերաբացումը, որպէսզի Սուրիա ապաստանած լիբանանցիները կարենան վերադառնալ տուն: Հանրօգուտ աշխատանքներու եւ փոխադրութեան հարցերու նախարարի պաշտօնակատար Ալի Համիէ շեշտեց, որ հիւսիսային Արիտայի սահմանային անցակէտը պիտի վերաբացուի 48 ժամէն եւ աշխատանքը պիտի շարունակուի արագօրէն վերաբանալու Մասնաայի եւ այլ անցակէտերը:
