Հակառակ մեր սիրելի Լիբանանի զանազան շրջաններու մէջ տիրող դժուարին ու ցաւալի պայմաններուն, համոզուած ու կանգուն մնալով մեր միութենական կեանքի ուղեգծին ու պարտականութիւններուն վրայ, Հ.Մ.Մ.ի ակադեմիան իր մասնակցութիւնը պիտի բերէ «GEN ALPHA LEAGUE»ի կազմակերպած՝ 2010, 2011 եւ 2012-ի տարիքային ֆութպոլի ակադեմիաներու օրինաւոր մրցաշարքին: Անոր բացման հանդիսաւոր արարողութեան ընթացքին մեր պատանիները իրենց կարմիր-ճերմակ զգեստներով զարդարեցին Ճունիի «Ֆուատ Շահապի» անուան մարզադաշտը Շաբաթ, 23 Նոյեմբերին:
Մրցաշարքը, որ պիտի տեւէ 6 ամիս, կ’ընդգրկէ տարբեր խմբակներու բաժնուած Լիբանանի ուժեղագոյն ակադեմիաները:
Յաւելեալ մանրամասնութիւններու մասին օրին պիտի տեղեկացնենք համացանցով եւ մամուլով:
Հ.Մ.Մ.-ԱՆԹԻԼԻԱՍԻ ՎԱՐՉՈՒԹԻՒՆ
