Լիբանանի բանտերուն մէջ տիրող կացութիւնը յղի է մօտալուտ մեծ պայթումի վտանգով: Լիբանանեան ապահովական տեղեկագրեր վերջերս ահազանգեցին, թէ բանտերուն մէջ խճողուածութիւնը հասած է վտանգաւորութեան անդառնալի աստիճանի, վտանգելով թէ բանտարկեալներուն, թէ՛ բանտապահներուն ապահովութիւնը: Ըստ տարածուած տեղեկութիւններուն, բանտերու խճողուածութիւնը հասած է մինչեւ 330 տոկոսի, մինչ դատական համակարգին գործունէութիւնը դանդաղած է եւ դատական նիստերը՝ ձգձգուած կամ յետաձգուած:
