Խորհրդարանի փոխնախագահ Էլիաս Պու Սաապ յայտնեց, որ յառաջիկայ Հինգշաբթի օր պիտի գումարուի խորհրդարանի լիագումար նիստ մը, որուն ընթացքին պիտի քննարկուի հինգ կէտերէ բաղկացած օրակարգ, որ կը ներառէ մասնաւորաբար ապահովական եւ զինուորական պատասխանատուներու պաշտօնավարութեան երկարաձգումը, դատական գերագոյն խորհուրդին վերաբերող թղթածրարը եւ հրատապ այլ հարցեր: Դիտել տալով, որ իսրայէլեան կողմը զինադադարի համաձայնութեան սեմին կը սաստկացնէ գործողութիւնները, Պու Սաապ հաւաստիացուց, որ խորհրդարանի նախագահ Նեպիհ Պըրրի չ’ազդուիր այսպիսի ճնշումներէ, այլ կը շարունակէ յանձնառու մնալ 1701 բանաձեւի գործադրութեան: Ըստ խորհրդարանի փոխնախագահին, լուրջ խոչընդոտներ չկան զինադադարի համաձայնութեան գործադրութեան դիմաց:
