ՊԱՏՄՈՒԹԵԱՆ ՄԷՋ՝ ԱՅՍՕՐ

21 Նոյեմբեր 2024: Տարուան 326-րդ օրն է (նահանջ տարի)։

2024-ի աւարտին կը մնայ 40 օր։

Դէպքեր – Տօներ

1783 – Տեղի ունեցաւ օդապարիկով մարդու առաջին թռիչքը:

1877 – Թոմաս Էտիսոն կը յայտարարէ ձայնագրող եւ ձայնը վերարտադրող սարքի գիւտի մասին:

1996-էն – Հեռատեսիլի համաշխարհային օր:

1973-էն – Ողջոյնի համաշխարհային օր:

Ծնունդներ

1934 – Ֆէյրուզ (Նուհատ Ուատիհ Հատտատ), նշանաւոր երգչուհի լիբանանեան ժողովրդային երաժշտութեան: Ամուսնացած էր լիբանանցի նշանաւոր երգահան Ասի Ռահպանիի հետ։

1945 – Յակոբ Դանիէլի Աւետիքեան, լրագրող, վերլուծաբան, հրապարակախօս, խմբագիր։

1694 – Վոլթեր, ֆրանսացի փիլիսոփայ, արձակագիր եւ հրապարակախօս:

1854 – Պենետիքթոս  ԺԵ. պապ, ծնունդով՝ Ժաքօմօ Փաուլօ Ճիովաննի Պաթիսթա տը լա Չիէզա: Պապ եղած է 3 Սեպտեմբեր 1914-էն մինչեւ 22 Յունուար 1922։ 1915-ին Օսմանեան Թուրքիոյ հայերուն բնաջնջելու քաղաքականութեան դէմն առնելու համար, Պենետիքթոս  ԺԵ. պապը կը փորձէ գերմանական եւ աւստրա-հունգարական միջամտութեամբ ազդել անոնց դաշնակից Թուրքիոյ վրայ։ Պապը նաեւ նամակ կ’ուղարկէ Սուլթանին։ Սակայն անոր ջանքերը արդիւնք չունեցան:

1966 – Աւետիս Կիտանեան, Լիբանանի զբօսաշրջութեան նախկին նախարար։

1902 – Միխայիլ Սուսլով, խորհրդային պետական գործիչ:

1932 – Ժիրայր Աւետիսեան, հայ բանաստեղծ, արձակագիր եւ թարգմանիչ։

1961 – Իշխան Սերժիկի Զաքարեան, Հայաստանի պետական եւ քաղաքական գործիչ,  Համահայկական խաղերու համաշխարհային կոմիտէի նախագահ։

1948 – Միշէլ Սուլէյման, զօրավար, լիբանանցի պետական եւ ռազմական գործիչ, Լիբանանի նախագահ 25 Մայիս 2008-էն մինչեւ 25 Մայիս 2014։

Մահեր

1995 – Լէյլա Մուրատ, հրէական ծագմամբ եգիպտացի էսթրատային երգչուհի, 1940-1950-ական թուականներուն եգիպտական շարժապատկերի յայտնի երգող դերասանուհիներէն մին։

2007 – Աղասի Այվազեան, արձակագիր, թատերագիր եւ գեղանկարիչ:

1908 – Յովհաննէս Վարդապետեան, լիբանանահայ գիտնական, աստուածաբան, մշակութային գործիչ։ Արաբական միջավայրին ծանօթ է Եուհաննա վարդապետ, իսկ եւրոպականին՝ Ճոն վարդապետ անուններով։