Արեւմտեան լրատուամիջոցներ հաղորդեցին, որ ուքրանական ուժերը սկսած են բրիտանական հեռահար «Սթորմ Շէտօ» հրթիռներ արձակել ռուսական թիրախներու վրայ: Իսկ Միացեալ Նահանգներու պաշտպանութեան նախարար Լոյտ Ուսթին յայտնեց, որ ուքրանացիներուն պիտի արտօնեն գործածել ամերիկեան ականները՝ պաշտպանելու համար մայրաքաղաք Քիեւը: Ռուսիոյ նախագահ Վլատիմիր Փութին, միւս կողմէ, պատրաստակամութիւն յայտնեց բանակցելու Ուքրանիոյ հարցով, միաժամանակ շեշտելով նախանշուած ռազմական նպատակները իրագործելու անհրաժեշտութիւնը: Իսկ Ռուսիոյ հետախուզական ծառայութիւնները նշեցին, թէ ռուսական հողերուն ուղղութեամբ հարուածներուն արեւմտեան կողմերու մասնակցութիւնը պիտի չանցնի առանց ռուսական պատիժի:
