Ամերիկացի բանագնաց Ամուս Հոքշթայնի հետ խորհրդակցութիւններուն զուգահեռ, իսրայէլացի գործող եւ նախկին պաշտօնատարներ արտայայտեցին զինադադարի յանգելու խիստ նախապայմաններ եւ պահանջներ: Պաշտպանութեան նախարար Իսրայէլ Քաց վերստին պնդեց, թէ Լիբանանի հետ քաղաքական լուծումի յանգելու համար անհրաժեշտ է յարգել իսրայէլեան բանակին իրաւունքը՝ անհրաժեշտութեան պարագային շարժելու եւ քաղաքացիները պաշտպանելու»: Քացի խօսքով, պէտք է վերապահուի Հըզպալլային դէմ շարժելու իրաւունքը, եթէ լիբանանեան կողմէն եւս խախտուի զինադադարի համաձայնութիւնը: Իսկ արտաքին գործերու նախարար Կիտաուն Սահէր շեշտեց, թէ «որեւէ համաձայնութեաան պարագային մենք պիտի պահպանենք ազատ շարժելու իրաւունքը, Հըզպալլայի կողմէ որեւէ խախտումի պարագային»: Իսրայէլեան բանակի հիւսիսային շրջանի հրամանատարը իր կարգին նշեց, որ իրենց նպատակն է յարմար գետին պատրաստել քաղաքացիներու տունդարձին եւ պաշտպանութեան համար:
