Մարզական

ՃԱՏՐԱԿ

ԿԱՐԷՆ ԳՐԻԳՈՐԵԱՆՆ ՈՒ ԷԼԻՆԱ ԴԱՆԻԷԼԵԱՆԸ «ՇԱԽ» ՈՒ «ՄԱՏ» ԿԱՏԱՐԵՑԻՆ

Փորթուկալի մէջ կայացած «XVIII Torneio Internacional Figueira da Foz — Sabir Ali» մրցաշարքին, հայրենի ճատրակը ներկայացնող կգրոսմայսթըրներ՝ Կարէն Գրիգորեանն ու Էլինա Դանիէլեանը դարձան ախոյեաններ: Կարէնը յաղթեց տանտէրեր՝ Ռօտրիկօ Սրապանտոյին եւ Սամուէլ Կոնչանվէսին, հնդիկ Վիճայ Ռաղաւին, քուպացի Քարլոս Ալպօրնօզին, իտալացի Սթելլա Անտրէային եւ Գանատայէն Քեվըն Սփրակէթթին: Հաւասարութիւն արձանագրեց համաերկրացի Էլինա Դանիէլեանին եւ հնդիկ Արօնեաք Ղօշին հետ: Այսպիսով 9 հանգրուան ետք, վաստակելով 7 միաւոր, անհասանելի դարձաւ երկրորդ դիրքը ակամայ ապաստանածներուն՝ Ալպօրնօզին կամ Ալսինային:

Միւս կողմէ, Էլինան տարաւ 5 յաղթանակ՝ փորթուկալցի Արաուժօ Ռիքարոյին, սպանահայ Ասպետ Թադեւոսեանին, ասոր համաերկրացիներուն՝ Ինեշ Փրաոյին եւ Դանիէլ Թապոասին, հնդիկ Նակարէ Աքիլեշին: Պարտուեցաւ հնդիկ Վուփալա Փրանիթէն եւ փորթուկալցի Պրունօ Մարթինզէն: Հաւասարեցաւ Կարենի եւ լեհ Կոլէքի Ժանին հետ: Այսպիսով, ապահովելով 6 միաւոր, ան դարձաւ կանանց ախոյեանուհին:

«ՈՒԵՖԱ-Ի ԱԶԳԱՅԻՆ ԼԻԿԱ» – ՎԵՐՋԻՆ ԵՐԿՈՒ ՓՈՒԼԵՐԸ

ՀԱՅԱՍՏԱՆ ՊԱՏՈՒՈՎ ԵԶՐԱՓԱԿԵՑ ԱՌԱՋԻՆ ՀԱՆԳՐՈՒԱՆԸ

Հայաստանի ֆութպոլի հաւաքականը վերջին երկու անյաջող ելոյթներէն ետք, Լաթվիոյ մէջ 2-1 արդիւնքով առաւելութիւն մը արձանագրելով հանգրուանեց C լիկի չորրորդ խմբակին երկրորդ դիրքին վրայ: Կանոնակարգին համաձայն ան «փլէյ-օֆֆ»ի մրցումներ պէտք է կատարէ B լիկի 4 խմբակներուն 3-րդ տեղերը գրաւած խումբերուն՝ մէկ խօսքով՝ Ալպանիոյ, Իրլանտայի, Սլովենիոյ եւ Իսլանտայի հետ։

Այս խաղերուն վիճակահանութիւնը պիտի կայանայ 22 Նոյեմբերին, իսկ հանդիպումները` 2025 թուականի Մարտին։

Գ. լիկա – խմբակ 4-ի դասաւորումը ստացաւ հետեւեալ տեսքը.

Այսօր հետեւեալ 9 մրցումներով կ’ամբողջանայ առաջին հանգրուանը, որոնք սկիզբ առած էին 9 Սեպտեմբերին: Բոլոր մրցումներուն ժամանակացոյցը նոյնն է՝ Պէյրութի ժամով երեկոյեան 9:45-ին:

Շուէտ x Ատրպէյճան

Հունգարիա x Գերմանիա

Մոնթենեկրօ x Թուրքիա

Սլովաքիա x Էսթոնիա

Պոսնիա եւ Հերցեկովինա x Հոլանտա

Ալպանիա x Ուքրանիա

Չեխիա x Վրաստան

Կալէս x Իսլանտա

Մալթա x Անտորա

Վերջին օրերու մրցումները տուին հետեւեալ արդիւնքները.

Ատրպէյճան x Էսթոնիա 0 – 0

Վրաստան x Ուքրանիա 1 – 1

Անտորա x Մոլտովա 0 – 1

Մոնթենեկրօ x Իսլանտա 0 – 2

Թուրքիա x Կալէս 0 – 0

Ալպանիա x Չեխիա 0 – 0

Շուէտ x Սլովաքիա 2 – 1

Հոլանտա x Հունգարիա 4 – 0

Գերմանիա x Պոսնիա եւ Հերցեկովինա 7 – 0

Լաթվիա x Հայաստան 1 – 2

Հիւսիսային Մակեդոնիա x Ֆարօ Կղզիներ 1 – 0

Աւստրիա x Սլովենիա 1 – 1

Ֆինլանտա x Յունաստան 0 – 2

Նորվեկիա x Ղազախստան 5 – 0

Անգլիա x Իրլանտա 5 – 0

Իտալիա x Ֆրանսա 1 – 3

Իսրայէլ x Պելճիքա 1 – 0