* Վարչապետ Նիկոլ Փաշինեան հեռախօսազրոյց ունեցած է ԱՄՆ նորընտիր նախագահ Տոնալտ Թրամփի հետ: Փաշինեան շնորհաւորած է Թրամփը ընտրութիւններուն յաղթա-նակի առիթով եւ անոր տեղեկութիւններ փոխանցած է Հայաստան-ԱՄՆ յարաբերութիւններուն մէջ վերջին տարիներուն տեղի ունեցած զարգացումներուն եւ ընթացիկ վիճակին մասին, ինչպէս նաեւ քննարկուած են տարածաշրջանային օրակարգի հարցեր:
* Վատիկան գտնուող վարչապետ Նիկոլ Փաշին-եան հանդիպած է Հռոմի Ֆրանչիսկոս պապին հետ, տեղեկացուցած է Հայաստան-Ատրպէյճան խաղաղութեան գործընթացի վերջին զարգացումներուն մասին եւ վերահաստատած է Հայաստանի կառավարութեան հաւատարմութիւնը Խաղաղութեան օրակարգին։ Փաշինեան ընդգծած է, որ Հայաստան յանուն խաղաղութեան իր բաժին ներդրումը ունենալու հարցով վճռական է եւ շնորհակալութիւն յայտնած է հայ գերիները ազատ արձակելու Սուրբ Աթոռին շարունակական ջանքերուն համար։
* Հայաստանի մէջ Ֆրանսայի դեսպան Օլիվիէ Տըքոթինյի անդրադարձած է Լեռնային Ղարաբաղի հայերու՝ իրենց տուները վերադառնալու իրաւունքին՝ յիշեցնելով անոր վերա-բերեալ Արդարադատութեան միջազգային դատարանի որոշումը։ «2023 թուականի Նոյեմբեր 17-ին Արդարադատութեան միջազգային դատարանը ամրագրեց Լեռնային Ղարաբաղը հարկադրուած լքած հայերու՝ իրենց տուները վերադառնալու իրաւունքը։ Մէկ տարի անց, Ատրպէյճանին ուղղուած այս հրամանը կը մնայ անկատար։ Ֆրանսա ոչինչ կը մոռնայ եւ ոչինչ կը զիջի՝ ոչ անոնց վերադարձի իրաւունքի, ոչ ալ մշակութային եւ կրօնական ժառանգութեան պաշտպանութեան հարցով»,- գրած է Տըքոթինյի։
