Իսրայէլեան յարձակումներուն պատճառով մեծապէս վտանգուած են նաեւ լիբանանեան հնութիւնները՝ Պաալպաքը, Սուրը եւ բազմաթիւ այլ պատմամշակութային եւ զբօսաշրջային վայրեր: Այս ծիրին մէջ, մշակոյթի նախարարի պաշտօնակատար Մոհամմատ Մուրթատա աւետեց, որ ԵՈՒՆԵՍՔՕ-ի նիստին ընթացքին որոշուած է պաշտպանութեան աւելի բարձր կարգավիճակ շնորհել լիբանանեան 34 վայրի, յուսալով որ անոնք եւս չդառնան իսրայէլեան թիրախ:
