Արտաքին գործերու նախարարի պաշտօնակատար Ապտալլա Պու Հապիպ շեշտեց որեւէ կարգաւորումի պարագային Լիբանանի գերիշխանութիւնն ու իրաւունքները պահպանելու անհրաժեշտութիւնը: Լիբանանի մէջ Ֆրանսայի դեսպանին հետ տեսակցութեան ընթացքին Պու Հապիպ քննարկեց զինադադարի յանգելու առաջարկները՝ ներառեալ այս առումով Ֆրանսայի աշխուժութիւնը եւ ՄԱԿ-ի 1701 բանաձեւի գործադրութիւնը: Պու Հապիպ շեշտեց, որ Լիբանանի կառավարութիւնը յանձնառու կը մնայ նշեալ բանաձեւին, սակայն կը պահանջէ, որ ան գործադրուի նաեւ Իսրայէլի կողմէ:
