Մարոնիներու պատրիարք Պըշարա Ռահի կարտինալը մաղթեց, որ Հըզպալլա դասեր քաղէ պատերազմէն, կոչ ուղղելով որդեգրելու չէզոքութիւն, որովհետեւ Լիբանան միայն այդ պարագային կրնայ խաղաղ ապրիլ: Ռահի քննադատեց Միացեալ Նահանգներու ժողովրդավար վարչակազմը, նշելով որ անոնք չեն գործադրած սահմանային քրիստոնեայ գիւղերու անվտանգութեան աջակցելու խոստումները եւ յոյս յայտնեց, որ իրավիճակը տարբեր ըլլայ Տոնըլտ Թրամփի իշխանութեան օրերուն: Կարտինալը հրատապ համարեց հանրապետութեան նոր նախագահի ընտրութիւնը, որպէսզի կատարուին պետական անհրաժեշտ նշանակումները եւ հաստատութիւններու գործունէութիւնը դրուի ճիշդ հունի վրայ:
