ՉԵԼՍԻ – ՆՈԱ 8 – 0
Մեր մարզասէր ընթերցողներուն մտքին մէջ պահ մը շփոթ յառաջացնող արդիւնք մը: Տպագրական սխա՞լ հաւանաբար: Այստեղ կարելի է երանի տալ մամուլի մէջ երբեմն սպրդող ակամայ սխալներուն: Սակայն դժբախտաբար Հինգշաբթի օրուան այսպէս կոչուած «պատմական» հանդիպման ընթացքին մեր հայրենակիցները նոյնպիսի «պատմական» պարտութիւն մը կրեցին Քոնֆըրընս լիկի 2024-2025 մրցաշարքի 3-րդ հանգրուանի մրցակիցէն՝ Լոնտոնի «Չելսիի»էն։
Ինչ խօսք, որ ֆութպոլասէր հետեւողներուն համար «Նոա»-ի պարտութիւնը անակնկալ մը պիտի չըլլար: Սակայն ութ թիւը եւ նոյնիսկ առանց «պատուոյ» կոլ մը նշանակելու մրցումին ելքին գուշակութիւնը մէկուն մտքէն չէր անցներ (մինչեւ իսկ ֆութպոլային բախտախաղով զբաղող մոլերռանդներուն, հաւանաբար):
Եւ մեզի՝ հայրենասէր մարզասէրներուս համար սովորական հարցում մը: Ե՞րբ պիտի վերականգնուի հայկական ֆութպոլը: Ե՞րբ պիտի հպարտութեամբ ուրախանանք մեր հայրենի խումբերուն արձանագրած արդիւնքներէն: Թէ՞ միայն անհատական ոճին՝ բռնցքամարտի, ծանրաբարձութեան ու ճատրակի առաջնակարգ մետալները բաւարար են մեզի համար: Ե՞րբ պիտի սկսինք համոզուիլ, որ խմբային պայքարն ալ մեր ազգին կը յարմարի:
Ինչ որ է… Յաջորդ հանգրուանին՝ 28 Նոյեմբերին, «Նոա»-ն Երեւանի մէջ պիտի հիւրընկալէ իսլանտական «Վայքինկըր»ը։
Նշենք նաեւ, որ 3 խաղէ ետք «Նոա»-ն 3 կէտով գրաւեց 28-րդ տեղը։
ՀԱՅԱՍՏԱՆԻ ՖՈՒԹՊՈԼԻ ԱԽՈՅԵԱՆՈՒԹԻՒՆ
Հինգշաբթի յետիջօրէին տեղի ունեցաւ 4-րդ հանգրուանէն պարտք մնացած մրցում մը՝ «Գանձասար» ընդդէմ «Փիւնիկ» եւ աւարտեցաւ վերջինիս յաղթանակով՝ 5 – 0:
16-րդ հանգրուանի մրցումները կը շարունակուին հետեւեալ յայտագրով.
Ուեսթ Արմինիա x Շիրակ
Արարատ x Արարատ-Արմինիա
Նոա x Ալաշկերտ
Վան x Ուրարտու
Առայժմ աղիւսակին վրայ կը տիրէ դասաւորման հետեւեալ մթնոլորտը.
ՓՐԵՄԻԵՐ ԼԻԿ
ԱՆԳԼԻԱ, 11-ՐԴ ՀԱՆԳՐՈՒԱՆԻ ՄՐՑՈՒՄՆԵՐ
Այսօր.
Ուոլֆզ x Սաութեմբթըն (17:00)
Ուեսթ Հէմ x Էվըրթըն (17:00)
Պրենթֆորտ x Պըրնմաութ (17:00)
Քրիսթըլ Փալաս x Ֆուլհեմ (17:00)
Պրայթըն x Մանչեսթըր Սիթի (19:30)
Լիվըրփուլ x Ասթոն Վիլլա (22:00)
Կիրակի, 10 Նոյեմբեր
Մանչեսթըր Եունայթըտ x Լէյսթըր Սիթի (16:00)
Նոթինկհամ Ֆորեսթ x Նիւքեսըլ (16:00)
Թոթընհէմ x Իփսուիչ Թաուն (16:00)
Չելսի x Արսենալ (18:30)
Ստորեւ աղիւսակը.
