Թել Աւիւի օդակայանին շուրջ տեղի ունեցածին եւ Պէյրութի հարաւային արուարձաններու թիրախաւորումին լոյսին տակ, երէկ երեկոյեան լուրեր տարածուեցան Պէյրութի միջազգային օդակայանին պաշտօնեաները տարհանելու եւ իսրայէլեան ենթադրեալ հարուածի նախապատրաստուելու մասին, սակայն օդակայանի տնօրէն Ֆատի Հասան անմիջապէս ժխտեց լուրերը՝ նշելով, որ օդակայանը դատարկելու որոշում չկայ եւ հաստատեց, որ աշխատանքը հեզասահ կը շարունակուի այս կարեւորագոյն ենթակառոյցին մէջ:
