Հըզպալլայի ընդհանուր քարտուղար շէյխ Նայիմ Քասէմ յայտնեց, որ Լիբանան ուժեղ է իր դիմադրութեամբ, ժողովուրդով եւ բանակով: «Այո՛, մենք կը ցաւինք, սակայն կը վստահեցնեմ, որ իրենք եւս կը ցաւին եւ մենք պիտի յաղթենք, որքան ալ երկարի այս պատերազմը», ըսաւ Քասէմ: Հեռասփռուած ուղերձի մը մէջ, խօսելով Պաթրունի գործողութեան մասին, Քասէմ լիբանանեան բանակէն պահանջեց հրապարակել հաղորդագրութիւն մը եւ բացատրել միջադէպին մանրամասնութիւնները: «Որեւէ բանակցութեան կը հիմնուի երկու կէտի վրայ՝ իսրայէլեան յարձակումներու անյապաղ դադրեցում եւ Լիբանանի գերիշխանութեան ամողջական պաշտպանութիւն», շեշտեգ Հըզպալլայի ընդհանուր քարտուղարը՝ աւելցնելով, որ Հըզպալլա վճռած է արգիլել իսրայէլեան ծրագրերուն գործադրումը եւ պիտի շարունակէ պայքարն ու դիմակայումը՝ մինչեւ նպատակներու իրագործում: Քասէմի համաձայն, Իսրայէլի վարչապետ Պենիամին Նեթանիահուի ծրագիրը Կազայէն ու Լիբանանէն մեծ է ու կ’ենթադրէ Միջին Արեւելքի դիմագիծի փոփոխութիւն:
