«ԱՐԱՐԱՏ» ՕՐԱԹԵՐԹԻՆ ԶՈՒԳԱՀԵՌ ՀՐԱՏԱՐԱԿՈՒԱԾ ՅԱՒԵԼՈՒԱԾՆԵՐԸ

1) ԱՐԱՐԱՏ ԳՐԱԿԱՆ

1956 Յունուարէն մինչեւ 1965։

Նախ երկշաբաթաթերթ, 8 էջ, ապա՝ ամսագիր, 29 Նոյեմբեր 1956-էն, 48 էջ։ Հրատարակութիւնը նախ՝ «Արարատ»-ի ապա՝ Ն.Ս.Մ.Մ.-ի:

Խմբագիր՝ Յակոբ Նորունի (Նորաշխարհեան)։

Խմբագրական կազմ՝ Հրանդ Գանգրունի, Ժիրայր Նայիրի (Թօսունեան) եւ Մ. Ուրարտու (Սարգիս Խայեան)։ Ամսագիրի շրջանին, խմբագրական կազմին մէջ Երուանդ Գարաճեանը փոխարինած է Մ. Ուրարտուն։

1959-ի Յունիսին խմբագրութեան կը միանայ Ժիրայր Նայիրին։ Աւելի ուշ՝ Պէպօ Սիմոնեանը։

2) ԱՐԱՐԱՏ ՄԱՐԶԱԿԱՆ

Շաբաթաթերթ։ Հրատարակութիւն Հ.Մ.Մ.-ի Պէյրութի շրջանի Տեղական վարչութեան։ Պէյրութ, 1956 Դեկտ. – 1958 Յուլիս 1, 4 էջ։ Խմբագիրներ՝ Գէորգ Տարօնի եւ Սարգիս Նաճարեան։ Լոյս տեսած է 69 թիւ։

3) ԱՐԱՐԱՏ ՄԱՐԶԱԿԱՆ

Մարզական շաբաթաթերթ։ Պէյրութ, 8 Սեպտեմբեր 1992-էն, 8 էջ։ Խմբագրական կազմ՝ բժ. Գրիգոր Քէօշկէրեան, Կարօ Գոճաւագեան եւ Աւետիս Փոշօղլեան։

4) ԱՐԱՐԱՏ ԵՐԻՏԱՍԱՐԴԱԿԱՆ

Պարբերաթերթ։ Պէյրութ, 1985-էն, 52 էջ։

Առաջին շրջանին լոյս տեսած է 3 թիւ։ Առաջինը՝ 15 Յունիս 1985-ին։ Երկրորդը՝ Հոկտեմբերին: Երրորդը՝ 1986-ի Ապրիլին։ Խմբագիր՝ բժիշկ Եղիկ Ճէրէճեան։

Երկրորդ շրջանը սկսած է 5 Յունիս 1992-էն։ Խմբագիր՝ Աւետիս Փոշօղլեան։

5) ԱՐԱՐԱՏ ՇԱԲԱԹՕՐԵԱԿ

Լոյս տեսած է Կիրակի օրերը։ Պէյրութ, 13 Նոյեմբեր 1949-էն մինչեւ 5 Սեպտեմբեր 1954, 8 էջ։  Խմբագիր՝ Յակոբ Պարսումեան։