Արժոյթի միջազգային հիմնադրամը նուազեցուց այս տարի Միջին Արեւելքի տնտեսութիւններուն աճի հաւանականութիւնը՝ ի տես աշխարհի այս հատուածին մէջ մոլեգնող պատերազմներուն եւ այլ ճգնաժամերուն: «Պատերազմի շարունակութիւնը կամ ընդարձակումը պիտի պատճառէ տնտեսական երկարատեւ վնասներ, իսկ բարեկարգումներ կատարել ցանկացող պետութիւնները պիտի դիմագրաւեն ժողովրդային ցասում», յայտարարեց հիմնադրամը, աւելցնելով որ այս տարուան տնտեսական բարգաւաճումի ցուցանիշը կրնայ հասնիլ ընդամէնը 3,2-ի, մինչ պատերազմներուն հնարաւորութիւնը տակաւին շատ մեծ է:
