Իսրայէլի արտաքին գործերու նախարար Իսրայէլ Քաց նախարարութեան ընդհանուր տնօրէնէն պահանջեց ՄԱԿ-ին տեղեկացնել UNRWA-ին հետ 1967-ին կնքուած համագործակցութեան յուշագիրը առկախելու որոշումը՝ Քնէյսէթին մէջ համապատասխան բանաձեւի վաւերացումի լոյսին տակ: Ըստ Քացի, Թել Աւիւ ապացուցած է, որ նշեալ գործակալութեան պաշտօնեաներէն ոմանք մասնակցած էին 7 Հոկտեմբեր 2023-ի Համասի յարձակումին: Իսկ ՄԱԿ-ի մէջ Իսրայէլի մնայուն ներկայացուցիչ Ժըլաատ Իրտան յստակացուց, որ իրենք պիտի շարունակեն համագործակցիլ միջազգային կազմակերպութիւններուն հետ, սակայն ոչ UNRWA-ին, «որովհետեւ ան կը գտնուի Համասի տիրապետութեան տակ»: Նշենք, որ գործակալութիւնն ու ՄԱԿ կը ժխտեն իսրայէլեան ամբաստանութիւնները, վերահաստատելով որUNRWA կը մնայ չէզոք եւ կը կեդրոնանայ բացառաբար տեղահանուածմներուն օգնելու ջանքերուն վրայ:
