Իսրայէլեան ներքին հրապարակին վրայ եւս կը շարունակուին քաղաքացիական բողոքները: Տեղական լրատուամիջոցներ երէկ հաղորդեցին, որ Կազայի մէջ գերեվարուած իսրայէլացիներուն հարազատները փակած են Քնէյսէթ առաջնորդող կարգ մը ճամբաներ՝ կառավարութեան վրայ ճնշում բանեցնելու փորձով մը: «Ետիոթ Ահրանոթ» թերթը մինչ այդ հաղորդեց, որ իսրայէլեան բանակը կը դիմագրաւէ զինուորներու անբաւարարութիւն, որովհետեւ այժմ կարիք ունի յաւելեալ եօթը հազար անդամի, մինչ շատեր կ’անտեսեն պահեստային ուժերուն միանալու զինուորագրումի հրահանգները:
