Հայաստանի մէջ Ֆրանսայի դեսպան Օլիւիէ Տըքոթինիէ այցելեց հարաւային Սիւնիք գաւառ՝ ներառեալ սահմանային Ներքին Հանդ, ուրկէ յայտարարեց, թէ եկած է աջակցելու ամբողջ Սիւնիքին: «Ես ականատես դարձած եմ այստեղ ընթացող զարգացումներուն: Ներքին Հանդի մէկ մասը բռնագրաւուած է Ատրպէյճանի կողմէ եւ այդ իրավիճակը դժուարութիւններ կը յառաջացնէ բնակչութեան համար: Այստեղ մտավախութիւն կայ, որ հարուածները կրնան կրկնուիլ», ահազանգեց Ֆրանսայի դեսպանը: Ան նաեւ խօսեցաւ նշեալ շրջանին մէջ յառաջացած կենցաղային խնդիրներուն մասին՝ ներառեալ ջուրի անբաւարարութիւնը եւ հարազատներու գերեզմաններ այցելել չկարենալը, որովհետեւ Ներքին Հանդը շրջապատուած է երեք կողմէ եւ միայն մէկ կողմէ տակաւին կարելի է հասնիլ գիւղ: «Մենք կ’աջակցինք Հայստանի եւ Ատրպէյճանի միջեւ սահմանազատումի սկսած հոլովոյթին: Սահմանագծումը պէտք է ընթանայ Ալմաթիի հռչակագրին հիմքով եւ անոր շուրջ պէտք է կողմերը համաձայնութեան յանգին», բացատրեց դեսպան Տըքոթինիէ:
