ԼՈՒՍԱՆԿԱՐԻ ՄԸ ՀԵՏՔԵՐՈՎ

ՏԱՈՒՏԻԷԻ «Հ.Մ.Մ.-ԵՐԵՒԱՆ» ՖՈՒԹՊՈԼԻ ԽՈՒՄԲԸ

Ստորեւ զետեղուած լուսանկարը 1965-1967 թուականներու Հալէպի Տաւուտիէ շրջանի «Հ.Մ.Մ.-Երեւան» ֆութպոլի խումբն է: Այն համեստիս տրամադրուած է ընկեր Գէորգ Կէօզիւքարայեանի կողմէ, 1990 թուականին, Հալէպի մէջ:

Ըստ այլ յարգելի Հ.Մ.Մ.-ական վեթերան ընկերոջ՝ Յովհաննէս Հաճեանի (Ապու Աստուր կրտսեր), Հ.Մ.Մ.-ը Սուրիոյ հիւսիսային շրջանին մէջ ունէր քանի մը ֆութպոլի խումբեր: Քաղաքի խումբերը (Հալէպի)՝ Հ.Մ.Մ.-ի առաջնակարգ խումբը, «Հ.Մ.Մ.-Արարատ»-ը եւ Նոր գիւղի մասնաճիւղի «Հ.Մ.Մ.-Զանգու»-ն:

Իսկ Տաուտիէի մէջ կը գործէին մեծերու ֆութպոլի խումբը՝ «Հ.Մ.Մ.-Երեւանը» եւ փոքրերու՝ «Հ.Մ.Մ.- Բագրամեանը»:

Վերոյիշեալ լուսանկարը, ինչպէս նշեցինք, «Հ.Մ.Մ.-Տաուտիէի» անցած դարու 60-ականներու խումբն է, մարզիչ Գէորգ Կէօզիւքարայեանի առաջնորդութեամբ: Այդ տարիներու ֆութպոլիստներուն անունները արձանագրած ենք, սակայն այստեղ երեւցողներուն ոտքի կամ նստած տղոց հերթականութիւնը՝ ոչ, դժբախտաբար:

Ստորեւ մեզի փոխանցուած՝ 1963-էն 1967 տարիներու «Հ.Մ.Մ.-Տաւուտիէի» ֆութպոլիստներուն անունները.

Յովսէփ Վասոյեան (մարզիչ)

Յակոբ Խաչոյեան

Գէորգ Սրապոնեան

Ռուբէն Կէօզիւքարայեան

Ռաֆֆի Մանուկեան (բերդապահ)

Վահէ Գէորգեան

Լեւոն Գաւլաքեան (Ա.Մ.Ն.)

Ազատ Թոփրաքճեան

Պօղոս Մանուկեան (հետագային Նուրհան արքեպիսկոպոս Մանուկեան Երուսաղէմի Հայոց պատրիարքութեան 97-րդ պատրիարք – Ն.Ճ.)

Յակոբ Գլընճեան (Ա.Մ.Ն.)

Յարութիւն Մոսկոֆեան (Երեւան)

Ժանօ Գույումճեան

Միհրան Եագուպեան

Կարպիս Լէփէճեան (Երեւան)

Գէորգ Գարակէօզեան:

Նազօ Ճ.