ՊԱՏՄՈՒԹԵԱՆ ՄԷՋ՝ ԱՅՍՕՐ

25 Հոկտեմբեր 2024: Տարուան 299-րդ օրն է (նահանջ տարի)։

2024-ի աւարտին կը մնայ 67 օր։

Դէպքեր – Տօներ

1920 – Հաճըն-Թըլան: Թըլանի ագարակի կառավարիչին 20-22 տարեկան տղան Մէհմէտ անունով, խոստացաւ ապահով ճամբայ մը ցոյց տալ, պայմանաւ որ 10-15 վայրկեանի չափ պէտք է դէպի ետ քալել, անկէ ետք ճամբան փոխելով Անաւարզայի բերդին քովէն, ճախճախուտ վայրի մը մէջէն անցնելով Ճիհանի մօտ ապահով վայր մը կը հասնինք: Վիրաւորները իրենց իսկ կամքով մնացին հոն եւ այն տպաւորութիւնը տուին, որ իբր պաշտպանութիւնը կը շարունակուի: 300-ի մօտ փախստական հաճընցիներու խումբը ճախճախուտին մէջէն կը շարժի դէպի Ճիհան: Ճամբան Թօսուն Աբրահամ ետ կը մնայ եւ Մէրճիմէկ գիւղին մօտ թշնամիին հանդիպելով կը նահատակուի: (Մեսրոպ Շխրտըմեան)

473 – Լեւոն Ա. կայսրը Բիւզանդիոյ կայսր կը հռչակէ իր թոռը Լեւոն Բ.-ը:

1962 – Ուկանտան ՄԱԿ-ի անդամ կը դառնայ:

1917 – Պոլշեւիկեան յեղափոխութիւնը Ռուսաստանի մէջ:

Ծնունդներ

1825 – Եոհան Շթրաուս, աւստրիացի երգահան, խմբավար եւ ջութակահար, ճանչցուած է որպէս «վալսի արքայ», բազմաթիւ պարային ստեղծագործութիւններու եւ օփերեթներու հեղինակ։

1881 – Փապլօ Փիքասօ, բուն անունն է՝ Փապլօ Տիեկօ Խոսէ Ֆրանսիսքօ Տը Փաուլա Խուան Նեփոմուսէնօ Մարիա տը լօս Ռեմեթիոս Սիփրիանօ Տը լա Սանտիսիմա  Թրինիտատ Ռուիս ի Փիքասօ: Սպանացի նկարիչ, գծանկարիչ, քանդակագործ։ 20-րդ դարու արուեստի ամենայայտնի կերպարներէն մէկն է։

1913 – Անտոն Երուանդի Քոչինեան, կուսակցական եւ պետական գործիչ։ Հայաստանի համայնավար կուսակցութեան (ՀԿԿ) կենտկոմի առաջին քարտուղար (1966–1974)։

1952 – Սամիր Ֆարիտ Ժաաժա, առաջնորդն է «Լիբանանեան ուժեր» կուսակցութեան։ Մարտ 14-ի Միութեան առաջնորդներէն մին է՝ Սաատ Հարիրիի, Ուալիտ Ճոմպլաթի եւ Ամին Ժեմայէլի հետ։

1920 – Յովհաննէս Բարսեղեան, հայ ականաւոր լեզուաբան, բանասիրական գիտութիւններու դոկտոր-փրոֆեսոր:

1984 – Քեթի Փերրի, ամերիկացի երգչուհի եւ դերասանուհի

1988 – Չենտլըր Փարսընզ, ամերիկացի պասքեթպոլիստ, Տալաս Մավերիքսի խաղցող:

Մահեր

1400 – Ճէֆրի Չոսըր, անգլիացի բանաստեղծ:

1833 – Ապպաս-Միրզա, պարսիկ  քաղաքական գործիչ:

1915 – Հանս Վանկընհայմ, գերմանացի դիւանագէտ:

1973 – Սարգիս Պարխուտարեան, խորհրդային երգահան:

1992 – Վաղարշակ Կոտոյեան, խորհրդային երգահան:

1993 – Վինսընթ Փրայզ, ամերիկացի դերասան: