ՊԱՏՄՈՒԹԵԱՆ ՄԷՋ՝ ԱՅՍՕՐ

24 Հոկտեմբեր 2024: Տարուան 298-րդ օրն է (նահանջ տարի)։

2024-ի աւարտին կը մնայ 68 օր։

Դէպքեր – Տօներ

1920 – Հաճըն-Թըլան: Գիշերը անձրեւ կը տեղայ եւ օգտուելով անձրեւէն կ’որոշուի Ճիհանի (նախկին Համիտիյէ) Ազգային Միութեան երկտող մը ղրկել Մանուկ Շխրտըմեանի եւ Արամ Մուշեանի միջոցով, գերի թուրքերէն մին առնելով որպէս առաջնորդ: Ռազմամթերքը սպառուած ըլլալով, ստիպուած ջաղացքին դիրքերը կը լքենք եւ կը պաշտպանուինք մօտիկ աւերակի մը մէջ: Ֆրանսական օդանաւ մը շատ ցածէն կը պտըտի մեր վրայ: Ապագային կ’իմացուի, որ օդանաւը Ճիհան վերադարնալով հակառակ լուրեր զեկուցած է, իբր՝ «ոչ հայ տեսանք, ոչ թուրք, բնաւ մարդ չկար հոն: (Մեսրոպ Շխրտըմեան)

1945 – Կը հիմնադրուի ՄԱԿ-ը:

1964 – Հիւսիսային Ռոտեզիան անկախութիւն նուաճելով կը վերանուանուի Զամպիա:

Ծնունդներ

1558 – Շիմոն Շիմոնովիչ, հայկական ծագումով լեհ բանաստեղծ:

1841 – Ալեքսանտր Երիցեան, գրող, պատմաբան եւ հայագէտ:

1888 – Լեռ Կամսար, հայ գրող, երգիծաբան։ ԽՍՀՄ գրողներու միութեան անդամ։

1929 – Սօս Արտաշէսի Սարգսեան, թատրոնի եւ շարժապատկերի հայ մեծանուն դերասան, ԽՍՀՄ ժողովրդական արուեստագէտ։ 1991-ին ՀՅԴ-ի կողմէ առաջադրուած է նորանկախ Հայաստանի Հանրապետութեան առաջին նախագահի թեկնածու:

Նկարահանուած է 40-է աւելի գեղարուեստական ֆիլմերու մէջ:

1947 – Քէյվըն Քլայն, ամերիկացի դերասան եւ երգիչ:

1947 – Ռուբէն Կարապետեան, հայ դերասան, Հայաստանի վաստակաւոր արուեստագէտ:

1980 – Քէյսի Ուիլսըն, ամերիկացի դերասանուհի եւ թատերագիր:

Մահեր

1801 – Յովհաննէս Աղազարի Լազարեան, հայ ազգային ազատագրական շարժման գործիչ, Ռուսաստանի պետական խորհրդական, արդիւնաբերող կալուածատէր։

1948 – Ֆրանց Լեհար, հունգարացի եւ աւստրիացի երգահան եւ խմբավար:

1976 – Կամսար Աւետիսեան, աշխարհագրագէտ:

1957 – Քրիսթիան Տիոր, ֆրանսացի «տիզայնըր», ճանչցուած է որպէս աշխարհահռչակ նորաձեւութեան հիմնադիր:

1916 – Միհրան էֆենտի, տիգրանակերտցի զինուորական բժիշկ: 1914-ին Առա­ջին համաշ­խար­հա­յին պա­տե­րազ­մի ժամանակ զօրակոչուած է օսմանեան բանակ եւ  ծառայած Տիարպեքիրի հիւանդանոցին մէջ:

1975 – Սեդրակ Շահէն (Սեդրակ Գրիգորի Շահինեան), գրող, հասարակական գործիչ։ 1903 թուականէն Հնչակեան կուսակցութեան անդամ։