Ֆրանսայի արտաքին գործերու նախարար Ժան-Նոէլ Պարրօ դատապարտած է Ատրպէյճանի կողմէ միջազգային իրաւունքի խախտումները։ Ան այդ մասին խօսած է երկրի խորհրդարանին մէջ՝ շեշտելով, որ Ֆրանսան միշտ պիտի կանգնի միջազգային իրաւունքի եւ արդարութեան կողքին։
«Մենք կը դատապարտենք միջազգային իրաւունքի խախտումները ամէնուր եւ բոլոր ժամանակներուն, կը դատապարտենք Իսրայէլի գործողութիւնները Կազայի մէջ, Համաս-ի՝ Իսրայէլի վրայ յարձակումները, Իսրայէլի՝ Հըզպալլայի վրայ յարձակումները: Դատապարտելի են նաեւ Լիբանանի մէջ Իսրայէլի յարձակումները, Իրաքի եւ Սուրիայոյ մէջ՝ եզտիներու դահիճներու, Աֆղանիստանի մէջ՝ թալեպաններու, Սուտանի զինուած ուժերու առճակատումները: Կը դատապարտենք Ատրպէյճանի կողմէ Հայաստանի վրայ յարձակումները, Ռուսաստանի կողմէ՝ Ուքրանիոյ վրայ յարձակումը»,- թուարկած է Պարրօ՝ յաւելելով, որ Ֆրանսան ունի մէկ ուղերձ, եւ այն միջազգային իրաւունքի եւ արդարադատութեան մասին է:
