ՀՀ արտաքին գործերու նախարար Արարատ Միրզոյեան ընդունած է ԱՄՆ նախագահի յատուկ օգնական, Ազգային Անվտանգութեան Խորհուրդի Եւրոպայի հարցերով տնօրէն Մայքըլ Քարփենթըրի գլխաւորած պատուիրակութիւնը։
Ինչպէս յայտնած են ԱԳՆ-էն, հանդիպման ընթացքին քննարկուած են ՀՀ-ԱՄՆ երկկողմ օրակարգի հարցեր, այդ շարքին՝ ռազմավարական գործընկերութեան զարգացման միտուած ընթացիկ ծրագրերը, դրական յարաշարժութիւնը ու հետագայ հեռանկարները։
«Հայաստանը շահագրգիռ է շարունակել զարգացնել յարաբերութիւններն ԱՄՆ հետ փոխադարձ հետաքրքրութիւն ներկայացնող ուղղութիւններով՝ կառուցելով ընդհանուր արժէքների, արդէն իսկ արձանագրուած ձեռքբերումների վրայ, ուսումնասիրելով նաեւ ոլորտային համագործակցութեան լրացուցիչ հնարաւորութիւնները»,- ընդգծած է ՀՀ արտաքին գործերու նախարարը:
Արարատ Միրզոյեան եւ Մայքըլ Քարփենթըր միտքեր փոխանակած են տարածաշրջանային կայունութեան ու անվտանգութեան առնչուող հարցերու շուրջ։
ՀՀ արտաքին քաղաքական գերատեսչութեան ղեկավարը ընդգծածէ Հարաւային Կովկասի մէջ խաղաղութեան հաստատման ուղղութեամբ Հայաստանի կողմէ գործադրուող ջանքերը, եւ անդրադարձ կատարուած է Հայաստան-Ատրպէյճան յարաբերութիւններու կարգաւորման գործընթացի վերջին քննարկումներուն:
Այս ծիրին մէջ նախարար Միրզոյեան ընդգծած է տարածաշրջանին մէջ կայուն խաղաղութեան հասնելու գործով ՀՀ շահագրգռուածութիւնը՝ յաւելելով, որ վերջինս իր յստակ արտայայտումը գտած է հնարաւորինս սեղմ ժամկէտի մէջ Ատրպէյճանի հետ խաղաղութեան պայմանագրի կնքման հարցով, ինչպէս նաեւ տարածաշրջանին մէջ տնտեսական զարգացման ապահովման ուղղուած Հայաստանի տեսլականին մէջ:
