Նախանցեալ օր հրդեհ մը ծագեցաւ Մեթնի Ռապուէ շրջանի Յոյն կաթողիկէ պատրիարքարանին մօտակայքը գտնուող անտառի մը մէջ: Քաղաքացիական պաշտպանութեան անդամները մարեցին կրակը: Սակայն երէկ հրդեհի տարածքը զգալիօրէն ընդլայնուեցաւ, եւ քաղաքացիական պաշտպանութեան աշխատակիցները զօրաւոր քամիի եւ վայրի խորտուբորտութեան պատճառով հրդեհը մարելու դժուարութիւն ունեցան։ Ռապուէի բնակիչները պատկան կողմերուն կոչ ըրին միջամտելու՝ կրակը իրենց բնակարանները չհասնելու համար:
