ՊԱՏՄՈՒԹԵԱՆ ՄԷՋ՝ ԱՅՍՕՐ

22 Հոկտեմբեր 2024: Տարուան 296-րդ օրն է (նահանջ տարի)։

2024-ի աւարտին կը մնայ 70 օր։

Դէպքեր – Տօներ

1920 – Հաճըն-Թըլան: Արեւածագին Թըլան հասանք: Հոն յայտնի եղաւ, որ Միհրան Գայեան կորսուած էր: Թըլանի ջրաղացին մէջ 10 թուրքեր գտանք: Թշնամին, իմանալով, հազարապետ Թուֆան Պէյի հրամանատարութեամբ ջրաղացքը պաշարեց 2500 չէթէներով: (Մեսրոպ Շխրտըմեան)

1978 – Տեղի կ’ունենայ Յովհաննէս Պօղոս Բ. պապի գահակալութեան արարողութիւնը:

Ծնունդներ

1896 – Ռաֆայէլ Տը լա Քրուզ Ֆրանքօ Օխետա, Փարակուէյի ռազմական եւ քաղաքական գործիչ, գնդապետ։ Ռազմական յեղաշրջման միջոցով երկրի ժամանակաւոր նախագահը 1936 – 1937։ Հեռացուած է իշխանութենէն հակա-յեղաշրջումով։

1917 – Ճոան Ֆոնթէն, ամերիկացի դերասանուհի, Հոլիվուտեան 1930-40-ական թուականներու աստղերէն մին։ Խաղցած է մօտ 70 ֆիլմերու մէջ։ Ստացած է Օսքար լաւագոյն դերասանուհիի համար:

1927 – Ժիրայր Գրիգորի Աւետիսեան, շարժապատկերի բեմադրիչ, ՀԽՍՀ արուեստի վաստակաւոր գործիչ, փրոֆեսոր։

1986 – Արմէն Նիազեան, գրող, արձակագիր:

1915 – Իցհակ Շամիր, իսրայէլացի քաղաքական գործիչ, Իսրայէլի ութերորդ եւ տասներորդ վարչապետը, եղած է Քնեսէթի նախագահ եւ արտաքին գործերու նախարար։ Աշխատած է «Մոսատ»-ի մէջ։

Մահեր

1725 – Իտալացի երգահան Ալեսանտրօ Սքարլաթի:

1883 – Թոմըս Մայն Ռիտ, անգլիացի գրող, արկածային գիրքերու հեղինակ, յայտնի է «Անգլուխ ձիաւորը» վէպով:

1935 – Կոմիտաս վարդապետ (Սողոմոն Գէորգի Սողոմոնեան), մեծ երգահան, երգիչ, երաժշտական ազգաբան, երաժշտագէտ, վարդապետ, ուսուցիչ, բանահաւաք, խմբավար, մանկավարժ, հայկական ազգային երգահաններու դպրոցի հիմնադիր։ 1975 – Առնոլտ Թոյնպի, անգլիացի պատմաբան, Հայոց ցեղասպանութեան վերաբերող շարք մը գիրքերու հեղինակ:

1937 – Չույա Նաքահարա (Չույա Կաշիմուրա), ճափոնցի բանաստեղծուհի: Ճափոնական բանաստեղծութեան առաջատար վերանորոգողներէն: Իր 30 տարիներու կարճ կեանքի ընթացքին գրած է 350  բանաստեղծութիւն:

2011 – Արքայազն Սուլթան իպն Ապտուլ-Ազիզ Ալ Սէուտ, թագաւոր Ապտուլ-Ազիզի 15-րդ որդին, Սէուտական արքայական ընտանիքի նախահայր։