Կիրակի, 13 Հոկտեմբերին, տեղի ունեցաւ Լոս Անճելըս-Գալիֆորնիոյ շրջանի Հաճնոյ Հայրենակցական Միութեան վարչութեան կազմակերպած՝ Հաճնոյ Հերոսամարտի նահատակներու յիշատակի 104-րդ տարեդարձին նուիրուած մատաղի պատրաստութիւնը, հոգեհանգստեան պաշտօնը, մատաղօրհնէքն ու հոգեճաշը:
Հոգեհանգստեան պաշտօնը կատարուեցաւ Սուրբ Գրիգոր Լուսաւորիչ եկեղեցւոյ մէջ: Ապա Հ.Բ.Ը.Մ.ի «Գառնիկ Գարայեան» սրահին մէջ տեղի ունեցաւ հոգեճաշի արարողութիւն:
Օրուան խորհուրդին հետ պատշաճող յայտագիր մը հրամցուեցաւ ներկաներուն, որուն հանդիսավարութիւնը ստանձնած էր հայրենակցուհի տիկին Մայտա Քիւրէճեանը:
Ներկաներուն մասնակցութեամբ Հաճնոյ քայլերգի երգեցողութենէն ետք, հոգեճաշի ձեռնարկին բացումը բարի գալուստի հակիրճ խօսքով կատարեց Հաճնոյ Հայրենակցական Միութեան ատենապետ՝ հայրենակից Զաւէն Քէօշկէրեանը: Որմէ ետք ամպիոնը տրամադրուեցաւ օրուան խորհուրդը պատգամող բանախօսին՝ գիտնական, ընկերաբան եւ հասարակական գործիչ՝ հայրենակից սոքթ. Հրաչ Չիլինկիրեանին:
Ասմունքով ելոյթ ունեցաւ տիկին Աստղիկ Տատուրեանը: Իսկ յայտագիրը շնորհակալական խօսքերով եզրափակեց միութեան ատենապետը:
Այստեղ հարկ է ողջոյնի խօսքեր փոխանցել Լոս Անճելըսի շրջանի Հաճնոյ Հայրենակցական Միութեան վարչութեան անդամներուն, որոնց անունները կ’արժէ արձանագրել, մաղթելով յարատեւ վերելք ազգային-հայրենակցական աշխատանքներուն մէջ:
Զաւէն Քէօշկէրեան (ատենապետ)
Նորա Գարայեան (փոխատենապետ)
Մատլէն Սաթամեան (գանձապահ)
Անուշ Մանուկեան (հաշուապահ)
Շողիկ Կիրակոսեան (ատենադպրուհի)
Վարդիվար Կարկուտեան (խորհրդական)
Մինաս Մութաֆեան (խորհրդական)
