«Եօթներու խմբակ»-ի (Միացեալ Նահանգներ, Ֆրանսա, Գերմանիա, Իտալիա, Գանատա, Մեծն Բրիտանիա եւ Ճափոն) պաշտպանութեան նախարարները Նափոլիի մէջ կայացած հանդիպման ընթացքին համատեղ յայտարարութեամբ մը հաստատեցին, որ «Եօթներու խմբակ»-ի երկիրները միասնական են՝ աջակցելու Կազայի մէջ հրադադար հաստատելու անհրաժեշտութեան, բոլոր գերիներու ազատ արձակման, ամբողջ Կազայի տարածքին մարդասիրական օգնութեան հոսքի զգալի եւ կայուն աճի ձեռքբերման եւ երկու պետութիւններու լուծման կայուն ուղիին:
Անոնք իրենց մտահոգութիւնը յայտնեցին լիբանանեան վերջին զարգացումներուն, հետագայ լարուածութեան մագլցման վտանգի եւ ԵՈՒՆԻՖԻԼ-ի անվտանգութեան դէմ ուղղուած բոլոր սպառնալիքներու վերաբերեալ: Անոնք ընդգծեցին, որ խաղաղապահ զինուորներու պաշտպանութիւնը պատասխանատուութիւն մըն է, որ բոլոր կողմերը կը կրեն որեւէ հակամարտութեան ընթացքին: «Եօթներու խմբակ»-ը աջակցութիւն յայտնեցին Ուքրանիոյ ազատութեան, ինքնիշխանութեան, անկախութեան եւ միասնութեան: Անոնք յայտարարեցին իրենց մտադրութեան մասին, որն է շարունակել օգնութիւն ցուցաբերել Ուքրանիոյ, ներառեալ ռազմական օգնութիւն, կարճաժամկէտ եւ երկարաժամկէտ հեռանկարով:
