Կռնակի վրայ պառկիլ, երկու թեւերը կողմերուն տարածել։ Սրունքները վեր առնել մինչեւ ոտքին մատները պահելով երկարած ուղղութեամբ։ Այս դիրքէն դանդաղօրէն սրունքները իջեցնել դէպի ձախ կողմ, ձախ թեւին հետ զուգահեռ դիրքով մը, իսկ ուղղանկիւն կազմելով մարմնին հետ։ Ոտքերը ետ վեր բարձրացնել եւ այս անգամ աջ կողմ երկարել` նախորդին պէս։
Այս շարժումը ոյժ եւ ճկունութիւն պահանջելուն համար, փորձը սկսիլ միայն երկու անգամով։
Աջ ձեռքին վրայ յենելով, կողմնակի երկննալ, ձախ ձեռքն ալ գործածել գետին դնելով հաւասարակշռութեան համար։ Վերցնել ձախ ոտքը վեր մինչեւ որ զուգահեռ ըլլայ գետնին հետ․ ետ տեղը իջեցնել։ 5 անգամ նոյն փորձը կատարել։ Վերջը մարմնին դիրքը հակառակ ուղղութեամբ փոխելով սկսիլ նույն շարժումները՝ աջ ոտքով։
Մարմինը ուղիղ պահել, աջ ձեռքը երկարած, ձախ ձեռքը պատին կամ աթոռին յենիլ։ Աջ ոտքը կարելի եղածին չափ կողմնակի վեր բարձրացնել առանց ծունկերը ծռելու, եւ իջեցնել։ Դիրքը փոխել եւ սկսիլ ձախ ոտքով։
Սկիզբը կատարել 8 անգամ, իւրաքանչիւր կողմ։
