Բազմաթիւ նախապաշարումներ կան ամուսնական յաջող յարաբերութեան հետ առնչուած, որոնք պարզապէս կարգ մը անձերու ընկճուածութիւն պատճառող երեւակայութիւններ են, անոնց կեանքի ընտրեալ կողակիցին հետ առօրեային նկատմամբ: Անոնցմէ կը ներկայացնենք հետեւեալները եւ անոնց ճշդումները.
1) Նախապաշարումը – Երջանիկ զոյգերը կեանքին եւ անոր զանազան հարցերուն նկատմամբ նոյն մօտեցումն ու կարծիքը ունին:
Իրականութիւնը – Անկարելի է, իւրաքանչիւրը կը տարբերի ծինային, հոգեբանական եւ կենսաբանական ժառանգութեամբ, ինչպէս նաեւ ունի տարիներու ընթացքին վաստկուած տարբեր կուտակուած փորձառութիւններ:
2) Նախապաշարումը – Յաջողած զոյգերը անսահման ռոմանթիք են:
Իրականութիւնը – Յարաբերութեան սկիզբը անձ մը մեծ խանդավառութիւն կ’ապրի, որովհետեւ նոր եւ խանդավառ վիճակ մը կ’ունենայ, բայց ռոմանթիք վիճակը – այս իմաստով – «անկարող է» նոյն ընթացքին վրայ մնայ:
3) Նախապաշարումը – Իտէալ զոյգերը համաձայն են ամէն ինչի շուրջ:
Իրականութիւնը – Ամբողջովին անկարելի է այս մէկը, որովհետեւ իւրաքանչիւրը իր անձնական կարծիքը ունի կարգ մը կարեւոր նիւթերու շուրջ, եւ նախընտրելի է համաձայնին անոնց նկատմամբ անհամաձայն գտնուելուն մէջ:
4) Նախապաշարումը – Ուրախ զոյգերը կը մասնակցին ժամանցային միացեալ գործունէութեանց մէջ:
Իրականութիւնը – Այս յաւելեալ լաւ կէտ մըն է եթէ պատահի, բայց բնաւ պարտադիր չէ, մանաւանդ եթէ անոնցմէ մին ճնշուած կը զգայ իր կողակիցին «ջուրին երթալու»ն պատճառով:
5) Նախապաշարումը – Համաձայն եղող զոյգերը չեն վիճաբանիր:
Իրականութիւնը – Անհամաձանութիւնները անխուսափելի իրականութիւններ են մարդկային բոլոր յարաբերութիւններուն մէջ, պայմանով իրար չվիրաւորել եւ վստահութիւնը չխախտել:
6) Նախապաշարումը – Բոլոր զգացումներուն մասին ազատօրէն կարելի է արտայայտուիլ եթէ յարաբերութեան հիմերը զօրաւոր են:
Իրականութիւնը – Ոեւէ մէկը կրնայ խօսք մը ըսել, որուն համար յետոյ կը զղջայ եւ այդ պատահածը մոռնալը կամ ներելը անկարելի կ’ըլլայ երբեմն, հետեւաբար, հարկ է ուշադիր ըլլալ ջղայնութեան պահուն որեւէ խօսք ըսելէ առաջ:
7) Նախապաշարումը – Սեռային յարաբերութիւնը կապ չունի ամուսնական հիմքը կերտելու եւ գոհունակ ապրելու մէջ:
Իրականութիւնը – Այդ մտերմութիւնը հարկ է պահել ձեր առաջնակարգ հարցերու ցանկին մէջ:
