ԱՄՆ կատարած աշխատանքային այցի շրջանակին մէջ ՀՀ պաշտպանութեան նախարարի առաջին տեղակալ, ԶՈՒ ԳՇ պետ, զօրավար-լեյթենանթ Էտուարտ Ասրեան հանդիպած է ԱՄՆ ԶՈՒ շտաբներու պետերու միացեալ կոմիտէի նախագահ, զօրավար Չարլզ Պրաունի հետ։
ՊՆ Տեղեկատուութեան եւ հասարակայնութեան հետ կապերու վարչութեան փոխանցմամբ՝ հանդիպման ընթացքին քննարկուած են երկկողմ հետաքրքրութիւն ներկայացնող հարցեր։ Երկուստէք նշուած է, որ Հայաստան-ԱՄՆ համագործակցութիւնը պաշտպանութեան ոլորտին մէջ կը զարգանայ։
Ամերիկեան կողմը նշած է, որ պիտի շարունակէ իր աջակցութիւնը ՀՀ Զինուած Ուժերու կերպափոխման եւ բարեփոխումներու ընթացքին։
Քննարկուած եւ կարեւորուած է համատեղ կայացուող միջոցառումներու շարունակականութիւնը, անդրադարձ կատարուած է նաեւ տարածաշրջանային անվտանգութեան առնչուող շարք մը հարցերու։
