Հոկտեմբեր 16-ին, Ֆրանսայի Զինուած ուժերու նախարար Սեպասթիան Լըքորնիու ընդունած է Ֆրանսայի մէջ Հայաստանի դեսպան Յասմիկ Տոլմաճեանը։Այս մասին յայտնած են Ֆրանսայի մէջ ՀՀ դեսպանութենէն։
Հանդիպման ընթացքին Ֆրանսայի ԶՈՒ նախարարն ու Հայաստանի դեսպանը հանգամանալից անդրադարձ կատարած են Հայաստանի ու Ֆրանսայի միջեւ պաշտպանական համագործակցութեան ընթացքին եւ փոխգործակցութեան խորացման հեռանկարներուն, այդ շարքին՝ ՀՀ պաշտպանութեան նախարար Սուրէն Պապիկեանի՝ յառաջիկային ծրագրուած Ֆրանսա այցի օրակարգին։
Դեսպան Տոլմաճեան իր երախտագիտութիւնը յայտնած է նախարար Լըքորնիուին Հայաստանի ու Ֆրանսայի միջեւ բարեկամութեան ամրապնդման եւ պաշտպանական համագործակցութեան ընդլայնման հարցով անոր սկզբունքային յանձնառությեան եւ այդ ուղղութեամբ ձեռնարկուող քայլերուն համար։
Հանդիպման աւարտին նախարար Լըքորնիու Յասմիկ Տոլմաճեանը պարգեւատրածէ Ֆրանսայի ԶՈՒ նախարարութեան «Ազգային պաշտպանութեան» ոսկէ մետալով՝ Ֆրանսայի մէջ դիւանագիտական գործունէութեան ընթացքին նշանակալի ձեռքբերումներու եւ պաշտպանական ոլորտին մէջ հայ-ֆրանսական յարաբերութիւններու ամրապնդման գործին մէջ ունեցած նշանակալի աւանդին համար։
