ՕՍԱՔԱՅԻ ՄԷՋ ԱՒԱՆԷՍԵԱՆ ՅԱՂԹԱՆԱԿՈՎ ՄԵԿՆԱՐԿԵՑ

Արհեստավարժ թենիսիստ Էլինա Աւանէսեան յաղթանակ մը տօնեց Օսաքայի «Մասթըրզ» մրցաշարքի առաջին շրջանին:

Ճափոնական Օսաքա քաղաքին մէջ ընթացող «Մասթըրզ-250»-ի անդրանիկ մրցափուլին Էլինան, մրցելով ԱՄՆ ներկայացուցիչ Էշլի Գրիւկըրի հետ, յաղթեց երկու սեթերով՝ 7:6, 6:3:

Աւանէսեան այժմ WTA-ի աղիւսակին վրայ կը զբաղեցնէ 48-րդ դիրքը:

11 ՄԵՏԱԼ ԿՐԵՓԼԻՆԿԷՆ

Ղազախստանի մայրաքաղաք Ասթանայի մէջ վերջ գտաւ Կրեփլինկի բոլոր տարիքայն խումբերուն աշխարհի ախոյեանութիւնը:

Հայաստանի հաւաքականը նուաճած է 2 ոսկէ, 3 արծաթէ եւ 6 պրոնզէ մետալ: Ընդհանուր առմամբ մեր ընտրանին նուաճած է 11 մետալ։

Վերջին 4 տարիներու ընթացքին Հայաստանի ընտրանին UWW պաշտօնական ախոյեանութիւններուն նուաճած է 52 մետալ (7 ոսկի, 15 արծաթ եւ 30 պրոնզ):

Հայրենի ընտրանիի կազմին մետալակիրները դարձան Երեւանի «Krav Maga», «Bedrosian Dojo», «Legacy», ինչպէս նաեւ Արմաւիրի «ArmFighting» եւ Վանաձորի «Legacy» ակումբներուն մարզիկները։