Միացեալ Նահանգներու մէջ, Հայաստանի զինուած ուժերու սպայակոյտի պետ զօրավար Էտուարտ Ասրեան տեսակցութիւններ ունեցաւ ամերիկեան պաշտպանական անվտանգութեան հարցերով համագործակցութեան գործակալութեան տնօրէն Մայք Միլըրի, ամերիկեան բանակի անվտանգութեան աջակցութեան հրամանատարութեան ղեկավար Ալէն Փեփըրի եւ շարք մը այլ պաշտօնատարներու հետ: Ըստ Հայաստանի Պաշտպանութեան նախարարութեան, տեսակցութիւններուն ընթացքին քննարկուած են հայ-ամերիկեան պաշտպանական համագործակցութեան ընթացքը, գալիք ծրագրերը եւ տարածաշրջանային անվտանտութեան առնչուող հարցեր:
Նշենք, որ Պաշտպանութեան նախարարի առաջին տեղակալին գլխաւորած պատուիրակութիւնը Ուաշինկթընի մէջ մասնակցեցաւ 13-16 Հոկտեմբերին տեղի ունեցած ԱՄՆ ցամաքային զօրքերու միութեան սպառազինութիւններու ամէնամեայ ցուցահանդէսին:
