Հայաստանի տարածքային կառավարումի եւ ենթակառոյցներու նախարար Գնէլ Սանոսեան Թուրքիոյ մէջ մասնակցեցաւ միջազգային ճանապարհային ֆետերասիոնի համաշխարհային համագումարին, ուր արտասանեց ելոյթ մը եւ խօսեցաւ հաղորդացութեան ուղիները վերաբանալու անհրաժեշտութեան մասին: Ան շրջանի բոլոր երկիրներուն մէջ ապրողներու կայուն զարգացումին համար կարեւորեց զարգացած ենթակառոյցներու առկայութիւնը՝ տարածքային համաչափ զարգացում ապահովելու եւ մարդոց բարեկեցութիւնը ապահովելու առումով: «Երեւանի առաջնահերթութիւններէն մէկն է տարածաշրջանի բոլոր պետութիւններուն միջեւ տնտեսական ենթակառոյցներու լիարժէք ապաշրջափակումը, ուղիներու զարգացումն ու փոխկապակցութիւնը:
