Իսրայէլի վարչապետ Պենիամին Նեթանիահուն Միացեալ Նահանգներու նախագահ Ճօ Պայտընի վարչակազմին յայտնեց, որ կը միտի հարուածներ հասցնել Իրանի ռազմական թիրախներուն, ոչ թէ հիւլէական կամ նաւթային կառոյցներուն։ Այս մասին տեղեկացուց «Տը Ուաշինկթըն փոսթ» թերթը։
Այդ աղբիւրներու համաձայն, Պայտընի հետ 9 Հոկտեմբերի հեռաձայնային հաղորդակցութեան ժամանակ Նեթանիահուն տեղեկացուցած է, որ կը նախատեսէ որպէս թիրախ ընտրել ռազմական ենթակառուցուածքը Իրանի մէջ։ Պարբերականին գնահատմամբ՝ այդ կը նշանակէ, որ հրէական պետութեան կողմէ կրնայ ըլլալ աւելի սահմանափակ պատասխան հարուած, որպէսզի լայնածաւալ պատերազմ չսկսի։
