ՈՒՐԲԱԹ, 11 ՀՈԿՏԵՄԲԵՐ
Էսթոնիա x Ատրպէյճան (21:45)
Հունգարիա x Հոլանտա (21:45)
Թուրքիա x Մոնթենեկրօ (21:45)
Ուքրանիա x Վրաստան (21:45)
Պոսնիա Հերցեկովինա x Գերմանիա (21:45)
Սլովաքիա x Շուէտ (21:45)
Իսլանտա x Կալէս (21:45)
Չեխիա x Ալպանիա (21:45)
ՇԱԲԱԹ, 12 ՀՈԿՏԵՄԲԵՐ
Լիթուանիա x Քոսովօ (16:00)
Խրուաթիա x Սկովտիա (19:00)
Պուլկարիա x Լիւքսեմպուրկ (19:00)
Պելարուսիա x Հիւսիսային Իրլանտա (21:45)
Լեհաստան x Փորթուկալ (21:45)
Սերպիա x Զուիցերիա (21:45)
Կիպրոս x Ռումանիա (21:45)
Սպանիա x Դանիա (21:45)
«ԹԵՆԻՍՄԷՆ» ՌԱՖԱՅԷԼ ՆԱՏԱԼ Կ’ԱՒԱՐՏԷ ԻՐ ՄԱՐԶԱԿԱՆ ԵՐԹԸ
Սպանացի հանրայայտ թենիսիստ, «Մեծ սաղաւարտի» 22-անգամեայ յաղթող Ռաֆայէլ Նատալ որոշած է հեռանալ արհեստավարժ ասպարէզէն։ Որպէս եզրափակիչ ելոյթ, ան հանդէս պիտի գայ 19-էն 24 Նոյեմբերին, Մալաքայի մէջ տեղի ունենալիք «Տէյվիս»ի մրցաշարքին:
«Ես դժուար տարիներ ունեցայ, յատկապէս վերջին երկուքը։ Չեմ կարծեր, որ այսուհետեւ կրնամ խաղալ: Բնական է, որ սա դժուար որոշում է, բայց այս կեանքին մէջ ամէն ինչ ունի սկիզբ ու վերջ: Կը կարծեմ որ հիմա լաւագոյն ժամանակն է աւարտելու երկար ու յաջողակ ասպարէզս»,- խոստովանած է Նատալ «X» իր էջին վրայ հրապարակած տեսաուղերձով։
ՖԱԹԻՆ, ՓԵՏՐԻՆ ԵՒ ՇԹԻԿԸՆԸ ՄԻԱՅՆ
«Պարսելոնա» ակումբի նախկին կիսապաշտպան Անտրէաս Ինիեսթան, պատասխանելով «Cope»-ի հարցումին, թէ ան այժմու խումբէն որո՞նց կ’ընտրէր մաս կազմելու իր խումբին, պատասխանած է. «Ես իմ խումբը կը հրաւիրէի Անսու Ֆաթին, Փետրին եւ բերդապահ Տէր Շթիկընին»:
Ի դէպ, վերջերս Ինիեսթան յայտնած էր իր ասպարէզը աւարտելու մասին։ Ան 40 տարեկան է։
Համբաւաւոր ֆութպոլիստը «Պարսելոնա»-ի կազմէն հանդէս եկած է 1996-էն 2018 թուականներուն, որուն ընթացքին կատարած է 674 հանդիպում՝ դառնալով 57 կոլի եւ 136 կոլային փոխանցումներու հեղինակ։
