11 Հոկտեմբեր 2024: Տարուան 285-րդ օրն է (նահանջ տարի)։
2024-ի աւարտին կը մնայ 81 օր։
Դէպքեր – Տօներ
1894 – Հաճըն, գիշերը Սբ. Աստուածածնի կողմէն կը ծագի երկրորդ հրդեհը, որ կը մոխրացնէ 700 տուն եւ խանութ, 2000 անձ թշուառութեան մատնելով:
1995-էն սկսեալ՝ աղջիկ երեխաներու միջազգային օր:
1941-էն՝ Հիւսիսային Մակեդոնիա` Յեղափոխության օր:
Ծնունդներ
1885 – Ֆրանսուա Մորիաք, ֆրանսացի գրող, գրականագէտ, նոպէլեան մրցանակակիր:
1937 – Պոպի Չարլթըն, անգլիացի նախկին ֆութպոլիստ:
1961 – Ամրօ Տիապ (Ամր Ապտուլ-Պասէթ Ապտըլ-Ազիզ Տիապ), նշանաւոր եգիպտացի երգահան, դերասան եւ համա-արաբական երգիչ: Երեք անգամ շահած է «World Music Awards» (1998, 2002 եւ 2007)։
1977 – Էլենա Վիքթորովնա Պերեժնայա, Ռուսիոյ մարմնամարզի վաստակաւոր վարպետ, ողիմպիական խաղերու յաղթող։ Ռուսաստանի Դաշնութեան Պետական Տումայի պատգամաւոր:
1951 – Ժան-Ժաք Կոլտմըն, ֆրանսացի երգիչ, երգերու հեղինակ։ Կը համարուի Ֆրանսայի երկրորդ փոփ-ռոք երգիչը Ճոնի Հոլիտէյէն ետք:
1875 – Արշակուհի Թէոդիկ, հայ գրող եւ բանասէր։ Ծնած է Կ. Պոլիս ։ Աշխատակցած է «Ծաղիկ», «Մանզումէ», «Սուրհանդակ», «Բիւզանդիոն», «Ժամանակ» եւ այլ պարբերականներու:
1946 – Սավաօ Կաթօ, ճափոնցի մարմնամարզիկ, ողիմպիական խաղերու ութակի յաղթող, աշխարհի կրկնակի ախոյեան։ Ամենաշատ տիտղոսներ նուաճած տղամարդ մարմնամարզիկն է, ինչպէս նաև՝ ողիմպիական խաղերու պատմութեան մէջ ամենաշատ տիտղոսներ նուաճած ասիացին։
1804 – Նափոլէօն Լիւտոֆիկ Պոնափարթ, Հոլանտայի թագաւորը: Հօր կողմէ ան Նափոլէօն Պոնափարթի եղբորորդին էր:
Մահեր
1933 – Միհրան Կարապետի Աղազարեան, սփիւռքահայ հասարակական գործիչ, հրապարակագիր, խմբագիր, մանկավարժ։ Եղած է Հնչակեան կուսակցութեան անդամ։ Լիբանանի ազգային գաւառական ժողովի անդամ։ 1921-1928 թուականներուն ֆրանսական գաղութատիրական իշխանութիւններու կողմէ բանտարկուած է որպէս յառաջդիմական գործիչ։ Եղբայրասպան գնդակի զոհ՝ Պէյրութի մէջ։
1967 – Յովհաննէս (Իւան) Ստեփանի Իսակով, Խորհրդային միութեան նաւատորմի հայազգի ծովակալ, զինուորական հրամանատար, գիտնական, գրող։ Սովետական միութեան հերոս: Մեծ էր անոր աւանդը Խորհրդային նաւատորմի՝ յատկապէս Երկրորդ Համաշխարհայինի ժամանակ Պալթիկ եւ Սեւ ծովերու նաւատորմերու ստեղծման գործին մէջ։
1889 – Ճէյմզ Փրեսքօթ Ճուլ, անգլիացի բնագէտ, բացայայտած է ելեկտրական հաղորդիչով անցնող հոսանքի եւ անջատուող ջերմութեան քանակի կապը: Իր անունով կը կոչուի ուժանիթի եւ աշխատանքի միաւորը՝ Ճուլ:
1900 – Գայիանէ Յովհաննիսեան, մանկավարժ:
1921 – Յարութիւն Աբէլեան, հայ քիմիագէտ:
1938 – Լեւոն Գէորգի Փաշինճաղեան, լեզուաբան։ Բանասիրական գիտութիւններու դոկտոր-փրոֆեսոր։
