Յորդանանի Ապտալլա Բ. թագաւորը ընդգծեց միջազգային ջանքերը աշխուժացնելու անհրաժեշտութիւնը, նուազեցնելու լարուածութեան մագլցումը եւ հաստատելու կայունութիւնը շրջանին մէջ: Ան յայտնեց, որ տարածաշրջանին մէջ համապարփակ զինադադարի հասնելու առաջին քայլը Կազայի եւ Լիբանանի մէջ Իսրայէլի պատերազմը դադրեցնելն է:
Մեծն Բրիտանիոյ արտաքին գործերու նախարար Տէյվիտ Լամիի հետ հանդիպման ժամանակ ան նախազգուշացուցած է Կազայի մարդկային աղէտի անտեսման հետեւանքներուն մասին, վերյիշեցնելով իր կոչը՝ զօրացնել մարդասիրական արձագանգման ջանքերը՝ Կազայի մէջ ժողովուրդին օգնութիւն տրամադրելու համար:
Ան ընդգծեց, որ միջազգային ընտանիքը իր պատասխանատուութիւնը պէտք է ստանձնէ երկու պետութիւններու միջեւ քաղաքական հորիզոն ստեղծելու՝ արդար և համապարփակ խաղաղութեան հասնելու համար: Թագաւորը գնահատեց Մեծն Բրիտանիոյ աջակցող դիրքորոշումը այս ուղղութեամբ:
