Լիբանանի դէմ իսրայէլեան յարձակումներու սկիզբէն ու մասնաւորաբար Պէյրութի հարաւային արուարձաններու թիրախաւորումէն ետք տարածուեցան բազմաթիւ տեղեկութիւններ՝ այդ շրջաններէն տեղահանուած ընտանիքներու բնակարաններու թալանումի երեւոյթին մասին: Այս առումով, ընկերային հաղորդակցութեանց հարթակներուն վրայ երէկ տարածուած լուսանկարները ցոյց տուին, թէ քաղաքացիներ ձերբակալուած աւազակները կապած են հարաւային արուարձաններու հրապարակներու ելեկտրական եւ այլ սիւներու վրայ, որպէսզի անոնք օրինակ ծառայեն ուրիշներու եւ վերջ դրուի դատարկ տուները թալանելու երեւոյթին:
