Հայաստանի եւ Ատրպէյճանի միջեւ սահմանազատման յանձնաժողովներու կանոնակարգը, որուն Սեպտեմբերի վերջաւորութեան հաւանութիւն տուած է Սահմանադրական դատարանը, ղրկուած է Ազգային ժողով՝ վաւերացման։ Այդ քննարկումներու ընթացքին կառավարութեան ներկայացուցիչը փոխվարչապետ, սահմանազատման հայկական յանձնաժողովի նախագահ Մհեր Գրիգորեանը պիտի ըլլայ:
Կանոնակարգը սահմանուած ժամկէտէն երկու ամիս ուշ ստորագրուեցաւ, բնագիրը հրապարակուեցաւ անկէ միայն երկու օր ետք: Գործադիրը պարզաբանեց, թէ բովանդակութեան գաղտնազերծման ուշացումը կապուած է նաեւ Ատրպէյճանի հետ գործընթացը կարելիութեան չափով զուգադիպեցնելու անհրաժեշտութեան հետ:
Ըստ այս փաստաթուղթին՝ Երեւանն ու Պաքուն համաձայնած են սահմանազատումը իրականացնել 1991 թուականի Ալմա Աթայի հռչակագիրին վրայ, բայց այդ համաձայնութիւնը վերջնական չէ։ Կանոնակարգին մէջ նշուած է՝ գործընթացը հնարաւոր է հետագային՝ խաղաղութեան համաձայնագրի ընդունումէն ետք, այլ սկզբունքներով ընթանայ։
Կանոնակարգը 7 յօդուած ունի, հիմնականին մէջ գործընթացին վերաբերող գործնական տուեալներ են, ընդհանրական ձեւակերպումներ։
Նշենք, որ Ատրպէյճանի մէջ կանոնակարգին բնագիրը չէ հրապարակուած եւ որեւէ ընթացակարգ դեռ չէ կատարուած:
