Իսրայէլեան «Ետիոթ Ահրոնոթ» օրաթերթը յայտնեց, որ Իրանի հետ Ռուսիոյ դաշինքը աւելի ուժեղ դարձած է քան երբեւէ, մեղադրելով Իրանը լիբանանցի խաղաղ բնակիչներու սպանութեան եւ Հըզպալլայի դէմ Իսրայէլի ցամաքային յարձակման մէջ, նշելով որ անոր դիմաց Մոսկուան կը պատրաստուի անօդաչու սարքեր եւ թեւաւոր հրթիռներ ստանալ Թեհրանէն: Թէեւ ռուս-իրանեան համագործակցութիւնը այժմ հասած է երբեւէ ամենաբարձր մակարդակին եւ կրնայ նաեւ անհանգստացնել Իսրայէլը՝ իր անվտանգութեան ազդակներու եւ անոնց հաւանական հետեւանքներու պատճառով: Ան կը կարծէ, թէ Մոսկուայի եւ Թեհրանի միջեւ յարաբերութիւններու խստացումը պէտք է դիտարկել առաջին հերթին ուքրանական պատերազմին մէջ Ռուսիոյ ռազմական անմիջական կախուածութենէն Իրանէն: Ան նշած է նաեւ, որ Մոսկուայի քննադատական մօտեցումը Իսրայէլի նկատմամբ պէտք է ուսումնասիրուի Իրանէն ռազմական կախուածութեան աճի եւ անոնց միջեւ համագործակցութեան ամրապնդման լոյսի ներքեւ։ Այնքան ատեն, որ դեռ Իսրայէլի եւ Հըզպալլայի միջեւ հակամարտութիւնը կը սահմանափակուի Լիբանանի մէջ եւ չի տարածուիր դէպի Սուրիա՝ սպառնալով Ռուսիոյ դաշնակից նախագահ Պաշշար Ասատի վարչակարգին, կամ կը վերածուի Իսրայէլի եւ Իրանի միջեւ ուղիղ առճակատման, Ռուսիան հաւանաբար կը շարունակէ իր մօտեցումը՝ ամրապնդել յարաբերութիւնները Թեհրանի հետ եւ կեդրոնանալ անվտանգութեան խնդիրներու վրայ եւ պաղ դիրքորոշում ունենալ Իսրայէլի նկատմամբ, որ Ռուսիոյ տեսանկիւնէն կապուած է տարածաշրջանին մէջ Միացեալ Նահանգներու շահերուն հետ։
