Զահլէի եւ Պեքաայի յոյն կաթողիկէ համայնքի առաջնորդ Իպրահիմ Մխայէլ Իպրահիմ եպիսկոպոսը Գանատայի մայրաքաղաք Օթաուայի մէջ հանդիպեցաւ վարչապետ Ճասթին Թրիւտոյի հետ՝ Լիբանանի դէմ սանձազերծուած պատերազմի աւարտին ուղղուած ջանքերու շրջանակին մէջ։ Ան իր խոր մտահոգութիւնը յայտնեց լարուածութեան մագլցումի սուր եւ վտանգաւոր հետեւանքներուն մասին եւ ընդգծեց, որ Լիբանանը կ’անցնի վտանգաւոր շրջադարձի միջոցով, որ կը պահանջէ միջազգային արձագանգ։ Եպիսկոպոսը ընդգծեց միջազգային աջակցութիւնը զօրացնելու անհրաժեշտութիւնը, յատկապէս Գանատայի կողմէ՝ նպաստելու Լիբանանի ինքնիշխանութեան եւ միասնութեան պահպանման, հաշուի առնելով անոր առջեւ ծառացած ներքին եւ արտաքին մարտահրաւէրները: Հանդիպման աւարտին Իպրահիմ եպիսկոպոսը իր խորին շնորհակալութիւնը յայտնեց Թրիւտոյին՝ Լիբանանին հանդէպ Գանատայի շարունակական աջակցութեան համար: Ան ընդգծեց, որ այս աջակցութիւնը յոյսի շող է դժուար պայմաններ դիմագրաւող մեր երկրին նկատմամբ:
