ՏԽՐՈՒՆԻ Ուս. Երիտ. Միութեան հիմնադիրներու խումբէն մասունք մը մեզի հետ է բարեբախտաբար: Անոնք ներկայ են մեր ձեռնարկներուն, «Տխրունի»ի հանդիսութիւններուն, յաւելեալ փայլք ու որակ ալ դրոշմելով այնտեղ:
Մեր թանկարժէք մասունքներէն երկուքին հետ անգամ մը եւս հանդիպելու ոչ միայն բախտը ունեցայ, այլ ապրեցայ իրենց հետ միասին ըլլալուն պահը «որսալու» եւ այս յիշատակելի լուսանկարով անմահացնելու ուրախութիւնը:
Այդ հրճուալից պահն իմաստաւորող երախտագործ տխրունիականներուն՝ ընկեր Գրիգոր Շիմշիրեանին եւ ընկեր Անդրանիկ Գազանճեանին մաղթենք խաղաղ ու երկար կեանք:
